Құрметті қостанайлықтар! 06.07.2017 ж.
Құрметті қостанайлықтар!
Сіздерді мемлекеттік мерекеміз – Астана күнімен шын жүректен құттықтаймын! Астана күні – барлық қазақстандықтар үшін аса маңызды, қоғамдық-саяси мәні бар жалпы ұлттық мереке. Қазақ халқының жаңа тарих бетіндегі қалдырған ізі. Еліміздің төрінен аз уақытта бой көтерген әсем қаланы тұрғызу - бұл Елбасының зор еңбегі екені сөзсіз. Бүгінде Елордамыз – егемендігіміздің нышаны, барша қазақстандықтың болашаққа деген үміті. ЭКСПО-2017 Халықаралық көрмесінің өткізілуі әрбір қазақстандықтың мақтанышы.
Ұлт Көшбасшысы, Елбасы Н. Ә. Назарбаевтың көрегендігі мен саяси ерік-жігері арқасында қысқа тарихи мерзім ішінде облыс орталығы ауқымындағы қала әлемдік деңгейдегі саяси, экономикалық және мәдени өмірдің заманауи орталығына айналды.
Тәуелсiздiгiмiздiң тiрегi, елдiгiмiздiң жүрегi — Астанамыз асқақтай берсiн! Мерекелерiңiз құтты болсын, ардақты ағайын! Баршаңызға денсаулық, игiлiк пен бақыт, тыныштық, береке-бiрлiк тiлеймiн.
Құрметпен,
Қостанай облыстық
мәслихатының хатшысы С. Ещанов
