Ең бастысы, бұл өзіне сену...
Балалармен жұмыс істеу-бұл көп еңбекті талап ететін жұмыс, бірақ сонымен қатар мұғалімге тәрбиеленушілердің алғысына, махаббатына бөлейтін, өз мамандығына қажет болғандығын сездіретін игі іс.
Әлбетте, мұғалімнің еңбек нәтижесі бірден көрінбейді, бірақ ол балалардың жүректерінде жанатын және әр баланың жанына із қалдыратын, шын мәнінде баға жетпес жақсылықтың ұшқыны. Кейде, қазіргі заманның шындығынан қорғанып, өз «тікендерін» көрсетуге дайын, нәзік бала жандарымен жұмыстағы қосымша білім беру мұғалімі мамандығының маңызы зор. Жабыстыру, тігу, авиамодельдеу, квиллинг еңбегі арқылы-қосымша білім беру мұғалімдері әр баланың жүрегіне кілт таба алады, оларды өз күштеріне, өзіне сенуді үйрете алады.
№ 4 ОМ базасында Балалар шығармашылығы мектебінің мұғалімдері іске асырған «Өзіне сен» деген әлеуметтік жоба оқушыларға өз күштеріне, өз мүмкіндіктеріне сенуге көмектесті. Осы бағдарламасының авторы аудандық мәслихаттың депутаты Балалар шығармашылығы мектебінің директоры Елена Колядина болды. Оқу жылының ішінде сабақтан тыс уақытта мұғалімдер балалармен сабақтарын өткізді: шығармашылық шеберханалардың, театралдық студиялардың жұмысын ұйымдастырды, әңгімелесулерді, карате сабақтарын өткізді, гитараға қосылып ән айтты және басқа іс-шаралар өткізді.
Оқу жылы аяқталды, оқушылар осы уақыт ішінде ұнатқанын анықтап, жанына жақын істі таңдап алды. Және «Өзіне сен» - «Арман қала-асқақ дала» квесті әлеуметтік жобаның аяқтаушы қорытынды шарасы да ойдағыдай өтті. Балалар сүйсініп шығармашылық станциялар бойынша саяхат жасады, тапсырмаларды орындады және шын ниетпен қуанды. Қосымша білім беру мұғалімдері жүргізген сабақтарда жыл ішінде түсірілген кадрлар бар бейнероликтің көрсетілімі оқушылар үшін күтпеген тосын жайт болды. Өздерін және жетекшілерін көріп балалар күлімсіреп жарқын сәттерін есіне алды және өз пікірлерімен бөлісті.
Гитараға қосылып әндер айтылды және естелік ретінде жалпы фотоға түсу шараның ақырғы аккорды болды.
(2018 жылғы 7 мауысымдағы № 22 «Житикаринские новости» аудандық газетінен мақала, авторы Юлия Неб)
