Қарабалық ауданында өзін-өзі

басқарудың қалыптасуы және

Қарабалық ауданында жергілікті өзін-өзі басқарудың қалыптасуы мен дамуы жөнінен белгілі бір жұмыс жүргізілуде.

Ауданда 30 мың 284 адам тұрып жатыр. Аудан халқы бұқаралық ақпарат құралдарынан өзін-өзі басқарудың мәні туралы хабардар және оның енгізілуін қолдайды, және жергілікті өзін-өзі басқару органдары мен басшыларының сайланбалылығына оңды қарайды. Аудандық газет арқылы халық мәслихаттың кезекті және кезектен тыс сессиялары туралы хабардар етіледі. Аудандық мәслихаттың жұмысы жүйелі түрде аудандық газетте жарық көріп тұрады, аудан әкімінің сайтында (аудандық мәслихаттың бетінде) баспасөз-релиздері, қабылданатын шешімдер жарияланады. Аудан бюджетінің жобалары сессияда бекітілгенге дейін депутаттарға таратылып беріледі және бюджет, экономика және басқару мәселелері жөніндегі тұрақты комиссияның отырыстарында қаралады.

Тұрақты түрде, жылына екі рет аудан әкімі аудандық мәслихаттың сессиясында депутаттар алдында «Оған жүктелген функциялар мен міндеттердің орындалуы туралы» және жиындарда халық алдында – «Ауданның экономикалық және әлеуметтік дамуы туралы» есеп береді. Мәслихаттың сессияларында 2011 жылы Победа, Бөрлі, Есенкөл селолық округтерінің және Қарабалық к. әкімдерінің есептері тыңдалды.

Депутаттар тоқсан сайын, аудандық «Айна» газетінде жарияланатын кестеге сәйкес, 42 елді мекенде азаматтарды жеке мәселелері бойынша қабылдауды жүргізеді. Депутаттардың 2010 жылы жүргізген азаматтарды 50 қабылдауда 87 сайлаушы қабылданды, ауызша және жазбаша 84 өтініш түсті. Атқарушы органдардың, шаруашылық жүргізуші субъектілерінің қатысуымен 57 өтініш бойынша мәселелер оңды шешілді.

Ауданда әртүрлі әлеуметтік-экономикалық бағыттағы 5 бағдарлама жұмыс істейді, олардың атқарылу барысын аудандық мәслихаттың тұрақты комиссиялары бақылауда ұстайды.

Мәселен, 2008 жылы Боскөл, 2009 жылы – Станционный селолық округтерінде әлеуметтік саясат, заңдылық, құқықтық тәртіп және байланыс мәселелері жөніндегі тұрақты комиссия мен бюджет, экономика және басқару мәселелері жөніндегі тұрақты комиссия бірлескен көшпелі отырыстарында Қостанай облысының ауылдық аумақтарын дамытудың 2004-2010 жылдарға арналған бағдарламасының іске асырылу мәселесі қаралды. Ағымдағы жылдың 3-ші тоқсанына комиссиялардың Тоғызақ селолық округіне шығуы жоспарланған. Осылайша, депутаттар, аудмәслихаттың тұрақты комиссияларының мүшелері тікелей жергілікті жерлерде өндіріс, әлеуметтік-тұрмыстық нысандарының жұмысымен, аудандық әкімдіктің және селолық округтер әкімдерінің әлеуметтік мәселелерді шешу жөніндегі қызметімен танысады. Комиссиялардың жұмысына жергілікті халық та тартылады, олардың өздерін қызықтыратын мәселелерді тікелей селолық округ әкіміне, аудандық мекемелер мен ұйымдар басшыларына қою мүмкіндігі бар. Депутаттар Партиялық бақылау бекеттерінің «Жол картасы» бағдарламасын іске асыру жөніндегі жұмысына белсене қатысады. Депутаттық бақылау бекеттері 7 нысанда құрылған. Әр депутатқа өзінің учаскесі бекітіліп берілген.

Селолық округтердің әкімдері жергілікті бюджетті бекіту немесе нақтылау кезінде мәслихаттың сессиясының жұмысына белсене қатысады, бюджет комиссиясы қарайтын бюджет өтінімдерін, стратегиялық жоспарлар жобаларына ұсыныстар әзірлейді және ұсынады. Тоқсан сайын кемінде бір рет олар абаттандыру, санитарлық тазалық, малды сұрыптау мен сәйкестендіру, иттерді ату және басқа да мәселелер қаралатын азаматтар жиынын өткізеді.

Аудандық мәслихаттың хатшысы мен депутаттардың бастамасы бойынша олардың тиісті сатыларға жүгінулерінен кейін Мағынай жанындағы негізгі және Өрнек бастауыш мектептерінің жөндеуіне, мемлекеттік тілде оқытатын Өрнек негізгі мектебін материалдық-техникалық қамтамасыз етуге қаржы бөлу, оқушыларды мектептерге тасу үшін 5 автобус сатып алуға, бірқатар медпункттерді, АОА-ны, аудандық мұрағатты материалдық-техникалық жарақтандыруға, агротехникалық колледжінің қазандығы үшін қазандықтар сатып алуға қаржы бөлу, Научное с. газдандыруды аяқтауға, Тоғызақ ОМ спорт залы құрылысына қаржы бөлу сияқты және тағы басқа мәселелер шешімін тапты немесе шешілу сатысында тұр.

Аудандық мәслихаттың хатшысы жыл сайын сессияда азаматтардың өтініштерімен жұмыс туралы есеп береді.

Депутаттар мен мәслихаттың хатшысы халықтың мүддесі үшін өздерінің аудан әкімдігінің өңірді дамытудың өзекті мәселелері талқыланатын отырыстарына қатысу жөніндегі заңды құқығын кеңінен пайдаланады.

Ауданның өкілді және атқарушы биліктерінің мұндай өзара іс-қимылы өңірдің алдында тұрған міндеттерді ойдағыдай шешуге мүмкіндік береді.

2010 жылмен салыстырғанда аудан бюджеті 116%-ға ұлғайды және 1662,8 мың теңгені құрайды (2010 ж. – 1434,0 мың тңг.).

«Жол картасы» іс-шарасын іске асыру шеңберінде 2010 жылы аудан бюджетінен 398 мың теңге бөлінді, республикалық бюджеттен - 11 млн. 900 мың теңге, соның ішінде әлеуметтік жұмыс орындарын құруға - - 7 млн. 800 мың теңге ( 2009 ж.- 5 млн. 388 мың теңге), жастар практикасына – 4 млн. 100 мың теңге. 2010 жылы 67 жұмыссыз мына мамандықтар бойынша кәсіптік оқытудан өтті: бухгалтер – 20 адам, тракторшы-машинист – 20 адам, автомобильдің электр жабдықтарын жөндейтін электрші – 20 адам; олардың ішінде жұмысқа орналастырылғаны – 18 адам. «Жастар практикасы» бағдарламасы бойынша 58 адам жұмысқа орналастырылды.

Азаматтық қоғамды дамытуға және халықтың шешімдер қабылдауға қатысуына үлкен көңіл бөліне бастады.

Ауданда бизнестің әлеуметтік жауапкершілігін арттыру жөнінен үлкен жұмыс жүргізіледі. Тек 2010 жылы ғана аудан аумағында өз қызметтерін жүзеге асыратын астық компанияларының, инвесторлардың тартылған қаражаты есебінен 28,2 млн. теңге сомасына әлеуметтік сала нысандарының жөндеуі жүргізілді. «Торо», «Сана», «ССКБӨБ», «Зерновая индустрия», «Иволга Холдинг» ЖШС компаниялары ауданның елді мекендерін санитарлық тазалау және абаттандыруға үлкен үлес қосты.

Ауданда 11 үкіметтік емес ұйым жұмыс істейді, олар үлкен ақпараттық-насихаттық жұмысты, жастарды, мектеп оқушыларын патриоттық тәрбиелеу жөніндегі жұмысты жүргізеді және қоғамдық-саяси жағдайға айтарлықтай ықпал жасайды. Көптеген ҮЕҰ мемлекеттік органдармен ынтымақтастықта қоғамның әлеуметтік маңызы бар: нашақорлықпен күрес, салауатты өмір салтын қалыптастыру, атаулы әлеуметтік көмек көрсету проблемаларын шешу мақсатында жұмыс істейді. 4 ҮЕҰ әлеуметтік қорғау ұйымы, 5 – қоғамдық бастамаларды қолдайды, 2 – бұл жастар ұйымдары. Қазіргі уақытта тағы да 2 ҮЕҰ-ны: Тоғызақ және Веренка ауылдарында әйелдер кеңесін тіркету үшін құжаттары дайындалды. ҮЕҰ аудандық мәдени-бұқаралық іс-шараларды өткізуге белсене қатысады.

Ауданда 62 қоғамдық кеңес құрылған, олардың қатарында 42 – ардагерлер, 6 – әйелдер, 2 – мүгедектер; 12 селолық округте құрамдарына ауылдардың әлеуметтік-экономикалық дамуына және оларды абаттандыруға көмек көрсететін ЖШС, шаруа қожалықтары басшылары, зейнеткерлер, депутаттар, қоғамдық пікір көшбасшылары кірген әкімдердің жанындағы консультативтік-кеңес органдары жұмыс істейді.

Ауданның ақсақалдар алқасына 2008 жылы қазанда жеке инвестицияларға салынған Ғашура ана ат. мешітінің діни қызметкерлері кіреді. Кеңес діни іс-шараларды және әртүрлі салтанаттарды ұйымдастыруға белсене қатысады, жерлеу рәсімдерін өткізу кезінде көмек көрсетеді.

ҮЕҰ секторының жұмысын 2009 жылы құрылған өкілді, атқарушы биліктің және үкіметтік емес ұйымдардың өзара іс-қимылы жөніндегі Кеңес үйлестіреді.

Ауданда құқықтық тәртіпті қамтамасыз етуге үлкен көңіл бөліне бастады. Қарабалық кентінде полицияның 4 учаскелік инспекторы бар, қалған селолық округтерде – бір-бірден. Бұрын сотталған адамдардың арасындағы қылмыс саны 76,9%-ға төмендеді. Өткен жылмен салыстырғанда осыған сәйкес кезеңде қоғамдық орындарда жасалатын қылмыстар саны 20,0%-ға азайды.

Сонымен қатар, жергілікті өзін-өзі басқарудың негізі ретінде мәслихат, және мемлекеттікпен қатар өзін-өзі басқару органдарының функцияларын атқаратын барлық деңгейдегі әкімдер, жергілікті маңызы бар мәселелерді шешуге жергілікті қауымдастықтар мүшелерін неғұрлым кеңінен тарту үшін оларға «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңымен берілген құқықты толық шамасында пайдаланбайды.

Мәслихат сессиясының және оның тұрақты комиссияларының шешімдері, әкімдіктің қаулылары және селолық округтер мен кенттер әкімдерінің қабылдайтын актілері жеткілікті бақыланбайды. Ауданның әлеуметтік-экономикалық дамуының бірқатар проблемалары мәслихат пен аудандық әкімдіктің тарапынан тиісті назарға алынбай қалады.

Аудандық мәслихат халықты жергілікті деңгейде шешім қабылдауға тарту мақсатымен селолық округтерде көшпелі сессиялар өткізу практикасын нашар пайдаланады. Әкімдер өткізетін азаматтар жиындары, көп ретте ақпараттық және нұсқаулық сипатқа ие.

Қазіргі уақытта шағын ауылдардан мектептерге тасымалданатын балалардың ең көп саны Қарабалық ауданында (501 - 13,4%). Тасымалдау шаруашылық субъектілері бөлген 23 автобуспен жүзеге асырылады. Автопарктің тозуы 20 жылдан астамды құрайды, бұл балалардың өмірінің қауіпсіздігіне айтарлықтай қауіп төндіреді. Мектептерде ыстық тамақты ұйымдастыруға байланысты проблемалар да бар. Мектеп асханаларының материалдық-техникалық базасы жаңартуды талап етеді. Қазіргі уақытта ауданда 17 асхана жұмыс істейді, олардың тек 4-уі ғана заманауи технологиялық жабдықпен жарақтанған. 35 мектептің арасында өрт қауіпсіздігінің толық талаптарына тек Целинный Б.М. ғана сәйкес келеді.

Ауданда жақын орналасқан Троицк ГРЭС-нің жұмысына байланысты экологиялық жағдай алаңдатады. Халықтың ауруға шалдығушылығы мониторингі ауданда 2008 жылдан бері жүргізілмейді.

Заңдылық, құқықтық тәртіп және өзін-өзі басқару мәселелері жөніндегі тұрақты комиссия ҚАУЛЫ ЕТЕДІ:

1. Қарабалық аудандық мәслихатының және әкімдігінің «Қазақстан Республикасындағы жергілікті мемлекеттік басқару және өзін-өзі басқару туралы» ҚР Заңында жергілікті өзін-өзі басқаруды дамыту бөлігінде салынған әлеуетті пайдалану жөніндегі белгілі бір жұмысы атап өтілсін.

- өзінің жергілікті өзін-өзі басқарудың негізі ретіндегі мәртебесін ескере отырып, жұмысты жоспарлауды жетілдіру;

- жергілікті өзін-өзі басқаруды қалыптастыру мен дамыту мәселесін өзінің сессияларының бірінің күн тәртібіне енгізу;

- Белоглинка селолық округінің Научное с. үлгісінде «Қазақстан Республикасындағы жергілікті мемлекеттік басқару және өзін-өзі басқару туралы» Заңның шеңберінде «Жергілікті қауымдастықты қалыптастыру және дамыту» қанатқақты жобасын әзірлеу;

- мәслихаттың сессияларын дайындау мен өткізу жүйесін жетілдіру, оларда қабылданатын шешімдердің орындалуын бақылауды күшейту;

- халықты жергілікті деңгейде шешім қабылдауға тарту мақсатымен өз қызметінде тұрақты комиссиялардың көшпелі отырыстарын кеңінен практикаға енгізу;

- аудан бюджетінің, аудан аумағын әлеуметтік-экономикалық дамыту жоспарлары мен бағдарламаларының атқарылуы жөнінен өзінің бақылау қызметінің тиімділігін арттыру;

- азаматтар жиындарына белсендірек қатысу, оларды өткізуді ұйымдастыру нысандарын жетілдіру.

3. Аудандық әкімдік пен аудан әкіміне ұсынылсын:

- әкімдіктің отырыстарына ауданның әлеуметтік-экономикалық дамуының перспективалары мен проблемалық мәселелерін талқылауға қатысу үшін мәслихат депутаттарын тұрақты түрде шақыру;

- олардың халықпен жұмысын жақсарту шараларын белгілеу үшін селолық округтер әкімдерінің сессиялардағы және тұрақты комиссиялар отырыстарындағы есептерін талқылауға белсене қатысу;

- Қарабалық ауданының тұрғын үй-коммуналдық, жолаушы көлігі және автомобиль жолдары бөлімі әлеуметтік сала нысандарын (ФАП, ДА, МП, клубтарды, кітапханаларды) кенттердің, селолық округтердің коммуналдық меншігіне беру мүмкіндігін зерделесін;

- Қарабалық ауданында мемлекеттік тілде оқытатын үлгілі мектепті салу мүмкіндігі туралы мәселені қарау;

- аудан мектептерінде өрт қауіпсіздігін бұзуды жою үшін автоматты өрт дабылын орнатуды, ғимараттардың ағаш қаңқаларын оттан қорғау құрамымен өңдеуді қарастыру, электр күші жүйесіне тексеріс жүргізу;

- құқықтық білім мектептері арқылы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңы бойынша құқықтық түсіндіру жұмысын ұйымдастыру.

4. Облыстық мәслихат аппараты депутаттардың ауылдық (селолық) округ, селолық округ құрамына кірмейтін кент және ауыл (село) деңгейінде өзін-өзі басқаруды дамыту жөніндегі ұсыныстарын жинақтап, қорытсын, және оларды Қазақстан Республикасының Үкіметіне жолдасын.

5. Қарабалық аудандық мәслихаты мен аудан әкімдігі осы қаулының орындалғаны туралы ақпараттыоблыстық мәслихаттыңзаңдылық, құқықтық тәртіп және өзін-өзі басқару мәселелері жөніндегі тұрақты комиссиясына 2011 жылдың 1 желтоқсанына текті ұсынсын.

Тұрақты комиссияның

төрайымы И. Аронова

«2009-2011 жылдарға арналған
Қостанай облысындағы құқықтық
түсіндіру жұмысы, құқықтық мәдениет
деңгейін одан әрі арттыру, азаматтарды
құқықтық оқыту мен тәрбиелеу жөніндегі
өңірлік бағдарламаның» Қамысты
ауданында орындалу барысы туралы

Қамысты аудандық мәслихатының 2009 жылғы 28 шілдедегі №151 шешімімен 2009-2011 жылдарға арналған Қамысты ауданындағы құқықтық түсіндіру жұмысы, құқықтық мәдениет деңгейін одан әрі арттыру, азаматтарды құқықтық оқыту мен тәрбиелеу жөніндегі аудандық бағдарлама бекітілген. Бұл кезеңге аудандық бюджеттен қаржыландыру көлемі 150 мың теңгені құрайды. Көзделетін қаражат тиісті жылға аудандық бюджетті түзу кезінде жыл сайын нақтыланады.

Барлық 16 селолық округ пен селоларда ақпараттық-насихаттық топтар (АНТ) жұмыс істейді. АНТ құрамына ұйымдардың, мекемелердің және ауылшарқұрылымдарының басшылары, селолық округтер мен селолардың әкімдері, ауданның қоғамдық пікір көшбасшылары, соғыс және еңбек ардагерлері кеңесінің мүшелері, мұғалімдер, медицина қызметкерлері кіреді. 2010 жылдың өзінде халықпен 54 кездесулер, әңгімелесулер, дөңгелек үстелдер, диспуттар өткізілді, оларға 2111 адам қатысты.
146 тыңдаушыны қамтитын 16 құқықтық білім мектебі құрылған. Бұл мектептердегі сабақтар лекциялар, семинарлар, дөңгелек үстелдер нысанында өткізіледі. Облыс әкімдігінің «Мемлекеттік қызметшілердің біліктілігін көтеру және қайта даярлау өңірлік орталығында» 2009 жылы - 15 мемлекеттік қызметші біліктілігін көтерді, 2010 жылы – 9 мемлекеттік қызметші.

АІІБ қызметкерлері 2009-2010 оқу жылында аудан мектептерінде нашақорлықтың, маскүнемдіктің алдын алу және онымен күрес туралы, кәмелетке толмағандардың жауапкершіліктері туралы тақырыптарда 72 лекция оқыды. Жол полициясы бастауыш сыныптар оқушылары арасында жол қозғалысы ережелерін білу жөнінен Олимпиада ұйымдастырды. Ауданның әділет басқармасы аудан мектептерінде 3 дөңгелек үстел, 11 семинар өткізіп, 4 лекция оқыды.

Барлық кітапханаларда прокуратура қызметкерлерінің, аудандық әкімдік мамандарының, мектептер оқытушыларының қатысуларымен «Құқықтық тәрбие» тақырыптық папкалары ресімделген, «Мен адам құқығын қалай түсінемін?» тақырыбына дөңгелек үстелдер, «Балалар – қылмыстылық – қайғы» танымдық кеші өткізілді; «Заң және біз» кітап көрмесі ресімделді.

Құқық қорғау органдарының мамандары оқушы жастар арасында және еңбек ұжымдарында Қазақстан Республикасындағы бірқатар заңдар ережелерін түсіндіру жөнінен 26 кездесу өткізді. Аудандық «Новый путь-Бозторғай» газетінде құқықтық тақырыпқа тұрақты айдар ашылған, соның ішінде «Сұрадыңыздар – Жауап береміз» сияқты. 2009 жыл ішінде аудандық газетте құқық тақырыбы бойынша 26 мақала жарияланған.

Үстіміздегі жылдың наурызында Жітіқара ауданындағы Тоқтаров с. «Жайна» ауыл әйелдері қауымдастығы» ҚБ Таран, Денисов және Қамысты аудандарын қамтитын «Ауыл аумақтарындағы халықтың құқықтық мәдениетін жетілдіру жөніндегі іс-шаралар» жобасын жеңіп алды. Сәуірде «Жайна» ауыл әйелдері қауымдастығы» ҚБ «Қамысты ауданының ішкі саясат бөлімі» ММ-мен бірлесіп «Ауыл аумақтарындағы халықтың құқықтық мәдениетін жетілдіру жөніндегі іс-шаралар» жобасы шеңберінде халықтың құқықтық біліктілігі деңгейін айқындау жөнінен Қамысты, Бестөбе, Ливановка, Фрунзе селоларында сауалдама жүргізді. Бұл қоғамдық бірлестіктің жоспарында Қамысты ауданының тұрғындары үшін аптасына 2 рет 2 сағаттан тегін заң консультациясын өткізу бар. Құқықтық мәдениет жөнінен семинарлар, тренингтер ұйымдастырылатын болады.

Сонымен қатар респонденттерге сауал тастап, жауап алу нәтижесі, еңбек, отбасылық, азаматтық (атап айтқанда тұтынушылар құқығын қорғау) құқықтары бойынша, сол сияқты азаматтардың денсаулық сақтау саласындағы құқықтары бойынша төменгі деңгейді көрсетті.
Азаматтарға мемлекеттік органдарда аталмыш органдар қызметіне қатысты мәселелер бойынша заң консультациясын ұсыну практикасы тар бағытта жүргізіледі, мәселен, небарлығы 3 мекемеде ғана заңгерлер бірліктері (әкімнің және мәслихаттың аппараттары, аудандық білім бөлімі) бар.
Қамысты ауданында 2009 жылдағы кезеңде сыбайлас жемқорлықпен құқық бұзушылық жасағаны үшін 6 адам жауапкершілікке тартылды, 2010 жылы – 2 адам. Талдау осы сияқты және басқа да бірқатар құқық бұзушылықтар мен қылмыстардың заңдарды білмегендіктен жасалатынын көрсетеді, ал мұның жауапкершіліктен босатпайтыны белгілі.

Облыстық мәслихаттың заңдылық, құқықтық тәртіп және өзін-өзі басқару мәселелері жөніндегі тұрақты комиссиясыҚАУЛЫ ЕТЕДІ:
1. Қамысты ауданы әкімінің орынбасары д.М. Құлмановтың «Құқықтық түсіндіру жұмысы, құқықтық мәдениет деңгейін одан әрі арттыру, азаматтарды құқықтық оқыту мен тәрбиелеу жөніндегі өңірлік бағдарламаның» Қамысты ауданында орындалу барысы туралы есебі назарға алынсын.
2. Аудандық мәслихатқа және әкімдікке ұсынылсын:
- құқықтық білім мектептерінің бірінің базасында оның қызметінің үлгілік тақырыптық жоспарын әзірлеу; тұрақты тыңдау категориясын айқындауға көмектесу, мектеп жұмысын есепке алудың бірегей құжаттамасын ұсыну;
- базалық заң білімі барларының барлығын ескере отырып, аудан орталығында тұратын және жұмыс істейтін оқытушыларды, сол сияқты мемлекеттік мекемелер басшыларын айқындау; осы негізде селолық құқықтық білім мектептеріне заңнама негіздерін оқытуға және ҚР Үкіметінің маңызды құжаттарын түсіндіруге көмек көрсету жөніндегі орталық құру;
- құқықтық білім мектептері басшыларымен дүркін-дүркін әдістемелік сабақтар өткізу, осы мақсат үшін облыс орталығынан тиісті лекторлар шақыру;
- ауданда бағдарламаны іске асыру жөнінен өткізілетін іс-шаралар талдауын жүргізу, аудандық мәслихаттың тиісті тұрақты комиссиясының отырыстарында және аудандық әкімдік отырыстарында оның орындалу барысын тұрақты түрде қарау;
- ауданның барлық мемлекеттік мекемелерінде облыстық бағдарламаның орындалуына бақылау жүргізу.
3. Қамысты ауданының әкімдігі осы қаулының орындалғаны туралы ақпаратты тұрақты комиссияға 2011 жылдың 20 қаңтарына текті ұсынсын.

Қостанай облыстық мәслихатының
заңдылық, құқықтық тәртіп және
өзін-өзі басқару мәселелері жөніндегі
тұрақты комиссиясының төрайымы И. Аронова

Қостанай қаласы әкімінің орынбасары Ю.Г. Махаринецтің есебін тыңдай келіп, Қостанай облыстық мәслихатының тұрақты комиссиясы қалада «Қостанай облысында 2007-2009 жылдарға арналған жол қозғалысы қауіпсіздігін қамтамасыз етудің өңірлік бағдарламасын» орындау жөнінен белгілі бір жұмыстың атқарылып жатқандығын атап көрсетті.
Өңірлік бағдарламаны орындауға облыстық және қалалық бюджеттер қаражатынан 3 173 591 000 теңге көзделді, соның ішінде жылдар бойынша: 2008 жылы – 1 301 071 000 теңге; 2009 жылы – 884030 000 теңге; 2010 жылы – 988 490 000 теңге.
Прокуратура органдарының уәкілетті органдардың өзара іс-қимылына жүргізген тексерулерінің қорытындылары бойынша, жол-көлік оқиғаларының азаюына бағытталған қызметті жүзеге асыру кезінде заңдылықты бұзушылықтар анықталды, олар мынадай: Қостанай қаласының жергілікті атқарушы органдарының жол қозғалысы қауіпсіздігін қамтамасыз ету саласындағы заңдылықтар талаптарын елемеушілігі; жол қозғалысын реттеу техникалық құралдарының құрылысы, қайта жаңғырту, жөндеу, енгізу және ұстау жұмыстарының сапасыз орындалуы және оларға бақылаудың жоқтығы; жол белгілеріне және оларды орнатуға, жолдарды белгілеуге, жасанды кедергілерді орнатуға қойылатын мемлекеттік стандарттар талаптарын бұзушылықтар.
Өңірлік бағдарлама Қостанай қаласында оны қала әкімдігі жанындағы сараптама комиссиясы талқыламастан, тек 2008 жылдың 29 қыркүйегінде ғана қабылданды. – Бұл комиссияның дербес құрамы әлі күнге дейін бекітілген жоқ. Аталмыш бағдарламаның орындалу барысын қала мәслихаты да, әкімдігі де талқылаған емес.
Жоғарыда көрсетілген заңдылықты бұзушылықтар, тікелей атқарушылардың өздерінің функционалдық міндеттерін талапқа сай орындамаулары, қала басшылығы тарапынан Өңірлік бағдарламаның орындалуын талапқа сай бақылаудың жоқтығы себепті мүмкін болып отыр.
Облыстық мәслихаттың заңдылық, құқықтық тәртіп және қоғамдық бірлестіктермен байланыс мәселелері жөніндегі тұрақты комиссиясы ҚАУЛЫ ЕТЕДІ:
1. Ю.Г. Махаринецтің «Қостанай облысында 2007-2009 жылдарға арналған жол қозғалысы қауіпсіздігін қамтамасыз етудің өңірлік бағдарламасының» Қостанай қ. орындалуы туралы» есебі назарға алынсын. Осы қаулыда атап көрсетілген кемшіліктер 2009 жыл ішінде жойылсын.

- Қостанай қаласы әкімдігінің жанындағы сараптама комиссиясының дербес құрамын әзірлесін және бекітсін; жол қозғалысы қауіпсіздігін қамтамасыз етуге бағытталған заңнаманы қолданулары үшін, жол қозғалысын реттеу техникалық құралдарының құрылысы, қайта жаңғырту, жөндеу, енгізу және ұстау жұмыстарының сапасыз орындалуы және оларға бақылаудың жоқтығы үшін, жол белгілеріне және оларды орнатуға, жолдарды белгілеуге, жасанды кедергілерді орнатуға қойылатын мемлекеттік стандарттар талаптарын бұзушылықтары үшінмемлекеттік органдар басшыларының жауапкершіліктерін арттырсын;
- облыстық мәслихаттың тұрақты комиссиясыныңотырысындаайтылған ескертпелерді жойып,ретке келтіру жөнінен іс-шаралар әзірлесін.
3. Қалалық білім бөлімі балалардың жол жарақаттылығының алдын алуға ерекше назар аударсын, балалардың жол қозғалысы және көшедегі қозғалыс ережелерін оқулары және сақтаулары жөнінен кешенді іс-шаралар әзірлесін, бұл жұмысты жазғы каникул уақытына дейінгі кезеңде күшейтсін.
4. Жол полициясы басқармасы және Қостанай қаласының ішкі істер басқармасы автокөлік құралдарын желіге шығаруға жауап беретін автокәсіпорындармен және лауазымды тұлғалармен жұмысты күшейтсін; «Қостанай қ. әкімдігінің тұрғын үй-коммуналдық шаруашылық, жолаушы көлігі және автомобиль жолдары бөлімі» ММ-ге жол белгілерін, жасанды кедергілерді ауыстыру, орнату, дайындау туралы уақытылы ұсыныс жасап отырсын; «Возрождение» аялдамасы ауданында (№5 ОМ, №5А ОМ) қадағалау бекетін орнатуды, жол белгісін ауыстыруды, салынған белгілерді жаңартуды бақылауға алсын.

Қаулыны көшіріп алу

Қостанай ауданы әкімінің орынбасары А.Ш. Досжановтың «2007-2009 жылдарға арналған Қостанай облысының үкіметтік емес ұйымдарын мемлекеттік қолдау өңірлік бағдарламасын» Қостанай ауданында іске асыру барысы туралы» есебін тыңдай келіп, комиссия ауданда оны орындау жөнінен белгілі бір жұмыстың жүргізіліп жатқандығын атап көрсетеді.
Аудандық бюджеттен 2007- 2008 жылдар ішінде «Сұңқар» қоғамдық бірлестігіне селолық мектеп базасында ұрпақтар кездесуін өткізуге және спорт құрал-жабдықтарын сатып алуға 348,0 мың теңге, «Олимп» жастар бірлестігіне техникалық жабдықтар сатып алу мен іс-шаралар өткізуге 220,0 мың теңге, «Қостанай ауданының жастар одағы» ҚБ-ге фотоаппарат пен футболкалар сатып алуға 70,0 мың теңге бөлінді. Жастар форумын өткізуге 2007 жылы 200,0 мың теңге бөлінді. 2008 жылы аудандық ардагерлер кеңесімен бірлесіп жастардың ардагерлермен кездесуі 283,0 мың теңге сомасында қаржыландырылды. Ағымдағы жылдың 11 қарашасында аудан орталығында Жастар форумы өткізілді, оның қаржыландырылуы 200,0 мың теңгені құрады. 2008 жылы аудандық бюджеттен «Олимп» жастар бірлестігінің ғимаратын жөндеуге 3,5 млн. теңге бөлінді.
Қазіргі таңда тағы да 3 үкіметтік емес ұйым тіркелу сатысында тұр.
Сонымен қатар ауданда үкіметтік емес ұйымдар бұрынғысынша аз, ал аудандық бағдарлама олардың қаржыландырылуын қарастырмайды.
Облыстық мәслихаттың заңдылық, құқықтық тәртіп және қоғамдық бірлестіктермен байланыс мәселелері жөніндегі тұрақты комиссиясы ҚАУЛЫ ЕТЕДІ:

1. Қостанай ауданы әкімінің орынбасары А.Ш. Досжановтың «2007-2009 жылдарға арналған Қостанай облысының үкіметтік емес ұйымдарын мемлекеттік қолдау өңірлік бағдарламасын» Қостанай ауданында іске асыру барысы туралы» есебі назарға алынсын.

2. Қостанай ауданының мәслихаты мен әкімдігі бюджеттік классификаторға 148-ші ерекшелікті қоссын, мемлекеттік тапсырыс шеңберінде әлеуметтік-маңызды жобалар байқауын өткізсін; облыстық мәслихаттың тұрақты комиссиясының отырысында айтылған ескертпелерді ескерсін.

3. Аудандық ішкі саясат бөлімі ҮЕҰ-ны жеке үй-жайлармен қамтамасыз етуге жәрдемдесуге, ҮЕҰ-ны тіркеу және қайта тіркеу кезінде әдістемелік көмек көрсетуге, жетекшілерін оқытуға, әлеуметтік-маңызды жобалар байқауларына өтінім беру үшін құжаттама жинауға айрықша назар аударсын.

4. Қабылданған шаралар туралы Қостанай облыстық мәслихатының заңдылық, құқықтық тәртіп және қоғамдық бірлестіктермен байланыс мәселелері жөніндегі тұрақты комиссиясын 2009 жылдың 2 наурызына дейін хабардар етсін.

Қаулыны көшіріп алу

Әулиекөл ауданы әкімінің орынбасары Б.Т. Жігітовтың «Қостанай облысында сыбайлас жемқорлықпен күрестің 2006-2010 жылдарға арналған өңірлік бағдарламасының» Әулиекөл ауданында орындалу барысы туралы» есебін тыңдай келіп, комиссия оны орындау жөнінен ауданда белгілі бір жұмыстардың жүргізіліп жатқандығы туралы атап көрсетеді.
Әулиекөл ауданындағы сыбайлас жемқорлыққа қарсы күрес жағдайының талдауы, сыбайлас жемқорлықпен құқық бұзушылықтар жасауға және сыбайлас жемқорлыққа жағдай туғызатын құқық бұзушылықтар жасауға, көбіне лауазымды тұлғалардың құқықтық біліксіздіктері себеп болып табылады.
Облыстық мәслихаттың заңдылық, құқықтық тәртіп және қоғамдық бірлестіктермен байланыс мәселелері жөніндегі тұрақты комиссиясы ҚАУЛЫ ЕТЕДІ:

1. Әулиекөл ауданы әкімінің орынбасары Б.Т. Жігітовтың «Қостанай облысында сыбайлас жемқорлықпен күрестің 2006-2010 жылдарға арналған өңірлік бағдарламасының» Әулиекөл ауданында орындалу барысы туралы» есебі назарға алынсын.

2. Әулиекөл ауданының мәслихаты мен әкімдігі және олардың құрылымдық бөлімшелері:
- мемлекеттік құрылымдар басшыларының мемлекеттік қызметшілердің мемлекеттік қызмет туралы заңнама нормаларын, мемлекеттік қызметшілердің Ар-намыс кодексін сақтауларына, «2006-2010 жылдарға арналған сыбайлас жемқорлықпен күрес өңірлік бағдарламасының» орындалуына жеке бақылауды күшейтсін;
- мемқызметші кадрларын іріктеуге және орналастыруға айрықша назар аударсын;
- «Сыбайлас жемқорлықпен күрес туралы» заңның нақты және бірегей қолданылуын қадағаласын;
- «Қостанай облысында сыбайлас жемқорлықпен күрестің 2006-2010 жылдарға арналған өңірлік бағдарламасына» сәйкес мемлекеттік қызметшілер арасында сыбайлас жемқорлық көріністерін болдырмау жөніндегі жұмысты жандандырсын;
- «Қостанай облысында сыбайлас жемқорлықпен күрестің 2006-2010 жылдарға арналған өңірлік бағдарламасын» орындаудың бірінші кезеңі мерзімдерінің өткендігін ескере отырып, жер бөлу мен бюджеттік қаржыны жұмсаудың ашықтығын қамтамасыз етсін.

3. Құқық қорғау органдары аудан әкімдігімен және мәслихатпен, азаматтық қоғам институттарымен бірлесіп мемлекеттік қызметшілер арасында және аудан халқына құқықтық түсіндіру жұмыстарын күшейтсін.

4. Барлық мемлекеттік мекемелер басшыларының сыбайлас жемқорлықпен күресте қолға алып жатқан шаралары туралы халық алдында тұрақты түрде есеп беріп тұруларын практикаға енгізсін.

5. Мемлекеттік органдардың сыбайлас жемқорлыққа қарсы қызметін ақпараттық-насихаттық қамтамасыз етудің ведомствоаралық жоспары әзірленсін.

6. «Қостанай облысында сыбайлас жемқорлықпен күрестің 2006-2010 жылдарға арналған өңірлік бағдарламасының» жекелеген жағдайларын орындамаған не болмаса сапасыз орындаған жағдайда, кінәлі лауазымды тұлғаларды жауапкершілікке тарту мәселесі қойылсын.

7. Қабылданған шаралар туралы Қостанай облыстық мәслихатының заңдылық, құқықтық тәртіп және қоғамдық бірлестіктермен байланыс мәселелері жөніндегі тұрақты комиссиясына 2009 жылдың 1 ақпанына текті хабардар етілсін.

Қаулыны көшіріп алу

Сарыкөл ауданы әкімінің орынбасары А.М. Вандышевтің «Қостанай облысында кәмелетке толмағандар арасында құқық бұзушылықтың алдын алу жөніндегі 2007-2011 жылдарға арналған өңірлік бағдарламасының» Сарыкөл ауданында іске асырылу барысы туралы» есебін тыңдай келіп, комиссия ауданда оның орындалуы жөнінен белгілі бір жұмыстардың атқарылып жатқандығын атап көрсетеді.
Аудандық мәслихат сессиясының 2008 жылғы 29 ақпандағы №47 шешімімен 2008-2010 жылдарға арналған Сарыкөл ауданында кәмелетке толмағандар арасында құқық бұзушылықтың алдын алу жөніндегі аудандық бағдарлама бекітілді.

Қостанай облыстық мәслихатының заңдылық, құқықтық тәртіп және қоғамдық бірлестіктермен байланыс жөніндегі тұрақты комиссиясы ҚАУЛЫ ЕТЕДІ:

1. Сарыкөл ауданы әкімінің орынбасары А.М. Вандышевтің «Қостанай облысында кәмелетке толмағандар арасында құқық бұзушылықтың алдын алу жөніндегі 2007-2011 жылдарға арналған өңірлік бағдарламасының» Сарыкөл ауданында іске асырылу барысы туралы» есебі назарға алынсын.

2. Сарыкөл ауданының мәслихатына және әкімдігіне ұснылсын:
- «Қостанай облысында кәмелетке толмағандар арасында құқық бұзушылықтың алдын алу жөніндегі 2007-2011 жылдарға арналған өңірлік бағдарламасын» іске асыру жөніндегі жұмыс жалғастырылсын;
- мемлекеттік органдар басшыларының кәмелетке толмағандардың арасында құқық бұзушылықтың және қылмыстылықтың, қараусыз қалушылық пен панасыздықтың алдын алуға бағытталған заңнаманы қолдану мәселесі жөніндегі жауапкершіліктері күшейтілсін;
- кәмелетке толмағандарды дене және психологиялық күш көрсетуден, кемсітушіліктің барлық түрлерінен қорғауды, мектептер әкімшіліктерінен кәмелетке толмағандардың ұзақ уақыт бойына оқу орындарына келмегендіктері туралы ұсыныстарының уақытылы қаралуын қамтамасыз ету жөніндегі жұмыс күшейтілсін;
- ауданның әлеуметтік кеңістігін мектептен тыс және тұрғылықты жерлері бойынша балалар мен жасөспірімдер тіршілігінің оңды түрлерімен толтыру жөніндегі жұмыс жалғастырылсын;
- бюджеттен аулалар мен білім беру мекемелері спорт алаңдарын қайта жаңғыртуға қаражат іздестірілсін.

3. Білім беру мекемелері қоғамдық бірлестіктермен, құқық қорғау органдарымен бірлесіп кәмелетке толмағандар арасында құқық бұзушылықтың алдын алу, жұмыстың оңды тәжірибесін енгізу жөнінен жаңа жобалар әзірлесін.

4. Құқық қорғау органдары:
- Сарыкөл АІІБ КІТ инспекторлары жұмысының тиімділігін артырсын;
- Сарыкөл АІІБ КІТ инспекторлары арасында кәмелетке толмағандармен жұмысты жетілдіру жөнінен оқу ұйымдастырсын.

5. Аудандық мәслихатқа ұсынылсын:
- балалар мен жастар ұйымдарына олардың көшбасшыларын оқытуға көмек көрсету;
- балалар мен жасөспірімдердің жазғы демалысы жоспарларын әзірлеу мен іске асыруға белсене қатысу;
- өздерінің тұрақты комиссияларында кәмелетке толмағандардың арасында құқық бұзушылықтың алдын алу жөніндегі өңірлік бағдарламаларды іске асыру мәселелерін тыңдау.

6. Осы қаулының орындалуына бақылау жасау облыстық мәслихаттың заңдылық, құқықтық тәртіп және қоғамдық бірлестіктермен байланыс жөніндегі тұрақты комиссиясына жүктелсін.

Қаулыны көшіріп алу

Рудный қ. әкімінің орынбасары А.Е. Қасаевтың «2007-2009 жылдары Қостанай облысында жол қозғалысы қауіпсіздігін қамтамасыз етудің өңірлік бағдарламасының» Рудный қ. орындалу барысы туралы» ақпаратын тыңдай келіп, комиссия оны орындау жөнінен қалада белгілі бір жұмыстардың жүргізіліп жатқандығын атап көрсетеді.

Облыстық мәслихаттың заңдылық, құқықтық тәртіп және қоғамдық бірлестіктермен байланыс жөніндегі тұрақты комиссиясы ҚАУЛЫ ЕТЕДІ:

• Рудный қ. әкімінің орынбасары А.Е. Қасаевтың «2007-2009 жылдары Қостанай облысында жол қозғалысы қауіпсіздігін қамтамасыз етудің өңірлік бағдарламасының» Рудный қ. орындалу барысы туралы» есебі назарға алынсын.

• Рудный қ. әкімдігі мен мәслихаты «2007-2009 жылдары Қостанай облысында жол қозғалысы қауіпсіздігін қамтамасыз етудің өңірлік бағдарламасын» іске асыру жөніндегі бағдарламасын немесе іс-шарасын; Рудный қаласының әкімдігі жанындағы жол қозғалысы қауіпсіздігін қамтамасыз ету жөніндегі кеңестің дербес құрамын әзірлесін және қалалық мәслихаттың сессиясына бекітуге енгізсін; облыстық мәслихаттың тұрақты комиссиясының отырысында айтылған сын-ескертпелерді ескерсін.

• Қалалық білім беру бөлімі балалардың жол жарақатының алдын алуға айрықша назар аударсын, жол және көше қозғалысы ережелерін зерделеу мен сақтау жөнінен іс-шаралар кешенін әзірлесін, жазғы каникулдың жақындап келе жатқанына байланысты бұл жұмысты күшейтсін.

• Қостанай облысының ішкі істер департаменті Жол полициясы басқармасы Рудный қ. ҚІІБ ЖПБ алдын алу жөніндегі инспектор штатын бөлу мәселесін қарсатырсын.

• Автокәсіпорындармен және автокөлік құралдарын желіге шығаруға жауапты лауазымды тұлғалармен жұмыс күшейтілсін.

• Рудный қ. ҚІІБ ЖПБ «жедел жәрдемнің» зардап шегушілерге уақытылы келуі үшін жедел жәрдемнің жол жағдайларын қамтамасыз ету шараларын қабылдасын.